202 دادوه‌ر و داواكاری گشتی له‌ كار دوورخرانه‌وه‌
202 دادوه‌ر و داواكاری گشتی له‌ كار دوورخرانه‌وه‌ 18.03.2017 | 14:34
ده‌سته‌ی باڵای دادوه‌ر و داواكارانی گشتی توركیا دوو سه‌دو دوو دادوه‌ر و داواكاری گشتییان به‌ تۆمه‌تی په‌یوه‌ندییان به‌ گروپی فه‌تحوڵڵا گوله‌ن له‌سه‌ر كار دوورخسته‌وه‌. به‌ پێی هه‌واڵێكی رۆژنامه‌ی سه‌باحی توركی، محه‌مه‌د یلماز سه‌رۆكی ده‌سته‌ی باڵای دادوه‌ر و داواكارانی گشتی رایگه‌یاند دووسه‌دو دوو دادوه‌ر و داواكارانی گشتی لێپرسینه‌وه‌یان له‌گه‌ڵدا كراوه‌ و وته‌یان لێوه‌رگیراوه‌‌ پێش ئه‌وه‌ی ده‌ربكرێن . له‌وباره‌یه‌وه‌ ئاماژه‌ى به‌ بڕیارنامه‌ی باری نائاسایی توركیا كرد و به‌ تۆمه‌تی ئه‌ندامیه‌تی و په‌یوه‌ندی له‌گه‌ڵ گروپی فه‌تحوڵڵا گوله‌ن بڕیاری ده‌ركردنیان بۆ ده‌ركراوه‌. دوا كوده‌تا شكستخواردووه‌كه‌ى پازده‌ى ته‌مووزى ساڵى دووهه‌زار و شازده‌، باری نائاسایی له‌ توركیا راگه‌یه‌ندرا و ده‌یان هه‌زار كه‌سیش له‌ كه‌رته‌ گشتییه‌كانی مه‌ده‌نی، سه‌ربازی، ئه‌منی و دادوه‌ری له‌سه‌ر كاره‌كانیان لادران و چه‌ندین دامه‌زراوه‌ش داخران . حكوومه‌تى توركیا فه‌تحوڵڵا گویله‌ن به‌ پلانداڕێژه‌ كوده‌تا شكستخواردووه‌كه‌ى پازده‌ى ته‌مموز تۆمه‌تبار ده‌كات ، گویله‌نیش ئه‌و تۆمه‌تانه‌ ڕه‌ت ده‌كاته‌وه‌ .
BA PARASTINI KURDISTAN BIBETE FERHENGI HEMUMAN
Copyright © 2015 All Right Reserved Kurdistan Tv