هێزه‌كانى سوریاى دیموكرات سه‌دا 25ـی شارى ره‌ققه‌یان كۆنترۆڵ كرده‌وه‌ جێمس ماتیس: پاش رزگاركردنی ره‌ققه‌ هێزه‌كانی سوریای دیموكرات چه‌كدار ده‌كه‌ین ئه‌مه‌ریكا هه‌ڕه‌شه‌ له‌ رژێمى سوریا ده‌كات ئه‌گه‌ر چه‌كی كیمیایى به‌كاربهێنێت ته‌رمى خوالێخۆشبوو زوبێر نه‌جمان به‌رپرسى لیژنه‌ى ناوچه‌ى بامه‌ڕنێى پارتى به‌خاك سپێردرا بڕیاره‌ ئه‌مڕۆ ته‌رمى خوالێخۆشبوو عه‌بدولواحید گوانى له‌ نه‌مساوه‌ بهێنرێته‌وه‌ كوردستان به‌رپرسی لقى نۆ سه‌نگه‌ره‌كانی پێشمه‌رگه‌ی به‌سه‌ركرده‌وه‌ هێزه‌كانى عێراقى 6 گوندیان له‌ ته‌له‌عفه‌ر كۆنترۆڵ كرده‌وه‌ بڕی 700 میگاوات كاره‌با زیاد ده‌كرێت له‌ هاوینیشدا ده‌رماڵه‌ی هاندانی مامۆستایان دابه‌ش ده‌كرێت بروسكه‌ى سه‌ره‌خۆشی سه‌رۆكى هه‌رێمى كوردستان بۆ كۆچى دوایى عه‌بدولواحید گوانى

ئۆپه‌راسیۆنی كۆنترۆڵكردنى شاری ره‌قه‌ به‌رده‌وامی هه‌یه‌ و له‌و چوارچێوه‌یه‌دا به‌گوێره‌ی سه‌رچاوه‌كان تاوه‌كو ئێستا هێزه‌كانی سوریای دیموكرات توانیویانه‌ له‌سه‌دا 25ـی شاری ره‌قه‌ له‌ژێر ده‌ستی تیرۆرستانی داعش ده‌ربهێنن و كۆنترۆڵى بكه‌ن.

له‌مباره‌یه‌وه‌ رامی عه‌بدولره‌حمان به‌ڕێوه‌به‌ری روانگه‌ی سوریا بۆ مافی مرۆڤ به‌ ئاژانسی هه‌واڵی فه‌ره‌نسی ئه‌ی ئێف پی راگه‌یاندووه‌ هێزه‌كانی سوریای دیموكرات كه‌ له‌لایه‌ن ئه‌مه‌ریكا پشتیوانی ده‌كرێن توانیویانه‌ له‌سه‌دا 25ـی شاری ره‌قه‌ كۆنتڕۆڵ بكه‌نه‌وه‌.

هاوكات رامی عه‌بدولره‌حمان ئاماژه‌ی به‌وه‌ش كردووه‌ كه‌ هێزه‌كانی سوریای دیموكرات چوار ناوچه‌یان له‌ باشوری رۆژهه‌ڵات و رۆژئاواى ره‌قه‌ كۆنتڕۆڵ كردووته‌وه‌ و ده‌ستیان به‌ گه‌مارۆدانی ره‌قه‌ی كۆن كردووه‌ و شه‌ڕ له‌ گه‌ره‌كی قادسیه‌ى رۆژئاوای شاره‌كه‌ به‌رده‌وامه‌.

هه‌روه‌ها ئاماژه‌ی به‌وه‌شكرد كه‌ ئه‌و هێزانه‌ له‌ كۆنتڕۆڵكردنه‌وه‌ی به‌شێكی بنكه‌ی پێشووی سوپای ڕژێم ئه‌سه‌د له‌ باكوری ره‌قه‌ سه‌ركه‌وتووبوون و گارگه‌ی شه‌كریان له‌ نزیك بنكه‌كه‌ كۆنتڕۆڵ كردووه‌ته‌وه‌ جێی ئاماژه‌یه‌ ئۆپه‌ڕاسیۆنی كۆنتڕۆڵكردنه‌وه‌ی شاری ره‌قه‌ له‌ شه‌شی حوزه‌یران ده‌ستیپێكردووه‌.

جێمس ماتیس وه‌زیری به‌رگری ئه‌مه‌ریكا له‌ كاتی رۆیشتنی به‌ فڕۆكه‌ بۆ ئه‌ڵمانیا به‌ رۆژنامه‌نووسانی گوت ویلایه‌ته‌ یه‌كگرتووه‌كانی ئه‌مه‌ریكا ره‌نگه‌ پاش رزگاركردنی ره‌قه‌یش پێویستی به‌وه‌ هه‌بێت هێزه‌كانی سووریای دیموكرات چه‌كدار بكات.

له‌پرسیارێكدا له‌باره‌ى وه‌رگرتنه‌وه‌ى ئه‌و چه‌كانه‌ له‌ هێزه‌كانی سووریای دیموكرات روونی كرده‌وه‌ كه‌ هه‌ر چییان بوێت ده‌یكه‌ن به‌ڵام ئاماژه‌ى به‌وه‌یش كرد كه‌ ئه‌و هێزانه‌ چه‌كى باشیان هه‌یه‌ ته‌نانه‌ت پێش ئه‌وه‌ى ئه‌مه‌ریكایش چه‌كیان پێ بدات.

ئاماژه‌ى به‌وه‌یش كرد كه‌ شه‌ڕى دژ به‌ رێكخراوی تیرۆریستی داعش ته‌نانه‌ت پاش رزگاركردنی ره‌قه‌یش به‌رده‌وام ده‌بێت و ئه‌وان سه‌یری ئه‌و ئه‌ركه‌ ده‌كه‌ن كه‌ پاشتر به‌و هێزانه‌ ده‌سپێررێت.

جێى ئاماژه‌یه‌ توركیا ئه‌و هیزانه‌ به‌وه‌ تۆمه‌تبار ده‌كات كه‌ سه‌ر به‌ په‌كه‌كه‌ن و چی چه‌كیان پێ بگات ده‌گه‌نه‌ ده‌ستی په‌كه‌كه‌و هه‌ڕه‌شه‌ بۆ توركیا دروست ده‌كات.

كۆشكی سپی له‌ واشنتۆن رایگه‌یاند كه‌ پێده‌چێت رژێمی سووریا خۆى بۆ هێرشێكی دیكه‌ به‌ چه‌كی كیمیایی ئاماده‌ بكات، هاوكات هوشداری به‌ رژێم و سوپای رژێم دا زۆریان له‌سه‌ر ده‌كه‌وێته‌وه‌ ئه‌گه‌ر هێرشی كیمیایی ئه‌نجام بده‌ن.

له‌و باره‌وه‌ كۆشكی سپی روونی كرده‌وه‌ كه‌ رژێمی سووریا ئاماده‌كاری هاوشێوه‌ى ئه‌و ئاماده‌كارییانه‌ ده‌كات كه‌ پێش هێرشه‌ كیمیاییه‌كه‌ى چواری نیسانی رابوردوو ئه‌نجامی دابوون.

له‌و باره‌وه‌ شۆن سپایسه‌ر گوته‌بێژ به‌ ناوی كۆشكی سپییه‌وه‌ رایگه‌یاند كه‌ ویلایه‌ته‌ یه‌كگرتووه‌كان چه‌ند ئاماده‌كارییه‌كی گریمانه‌كراوى رژێمی ئه‌سه‌دی بۆ ئه‌نجامدانی هێرشێكی دیكه‌ى كیمیایی ده‌ستنیشان كردووه‌ ئه‌گه‌رى ئه‌وه‌ى هه‌یه‌ ئه‌گه‌ر ئه‌نجام بدرێت قوربانییه‌كی زۆری لێ بكه‌وێته‌وه‌.

هه‌ڕه‌شه‌ى ئه‌وه‌شی كرد ئه‌گه‌ر ئه‌سه‌د هێرشێكی دیكه‌ به‌ چه‌كی كیمیایی بكات به‌ خۆی و به‌ سوپاكه‌یه‌وه‌ زۆریان له‌سه‌ر ده‌كه‌وێته‌وه‌.

جێى ئاماژه‌یه‌ له‌ نیسانی رابوردوودا ترامپ فه‌رمانی دا هێرش بكرێته‌ سه‌ر بنكه‌ى سه‌ربازی شوعه‌یرات پاش ئه‌وه‌ى رژێم گازی ژه‌هراوى دژ به‌ ناوچه‌یه‌كی ژێر ده‌ستی ئۆپۆزسیۆن به‌كارهێنا و 70 كوژراوی لێكه‌وته‌وه‌.

دواى ئه‌وه‌ى به‌هۆى ڕووداوێكى هاتوچۆ زوبێر نه‌جمان كانیكى به‌رپرسى لیژنه‌ى ناوچه‌ى بامه‌ڕنێى پارتى دیموكراتى كوردستان گیانى له‌ده‌ستدا، له‌ مه‌ڕاسیمێكدا به‌ ئاماده‌بوونى به‌رپرسانى ئیدارى و سیاسى و جه‌ماوه‌رێكى زۆر، ته‌رمى خوالێخۆشبوو له‌ گۆڕستانى گوندى كانیكا به‌خاك سپێردرا .


لێدوانه‌كان
عومه‌ر ئوره‌یى - به‌رپرسى لقى 18ى پارتى دیموكراتى كوردستان
شه‌وكه‌ت كانیكى - كه‌سوكارى خوالێخۆشبوو
بڕیاره‌ ئه‌مڕۆ ته‌رمى عه‌بدولواحید گوانی قایمقامی پێشووی چۆمان و سه‌رۆكی بۆردی ناشناڵ پاركی هه‌ڵگورد - سه‌كران ، سه‌رۆكی كۆمه‌ڵه‌ی په‌ككه‌وتوانى سۆران و كادرى پێشكه‌وتووى پارتى دیموكراتى كوردستان له‌ وڵاتى نه‌مساوه‌ بهێنرێته‌وه‌ كوردستان كه‌ به‌ هۆى نه‌خۆشییه‌كی سه‌خت، له‌ وڵاتى نه‌مسا كۆچی دوایی كرد .

كاتژمێر چوارى ئێواره‌ى ئه‌مڕۆ ته‌رمى خوالێخۆشبوو عه‌بدولواحید گوانى له‌ رێگه‌ى فڕۆكه‌خانه‌ى نێوده‌وڵه‌تیى هه‌ولێره‌وه‌ ده‌گاته‌وه‌ كوردستان و بڕیاریشه‌ سبه‌ى چوارشه‌ممه‌ ته‌رمه‌كه‌ى له‌ گۆڕستانى گوندى گوان له‌ باڵه‌كایه‌تى به‌خاك بسپێردرێت .

جێى باسه‌ خوالێخۆشبوو له‌ساڵانی هه‌شتاكانی سه‌ده‌ى رابردوودا به‌ هۆى په‌یوه‌ندى به‌ رێكخستنه‌كانى پارتى دیموكراتى كوردستان له‌لایه‌ن ده‌زگا داپلۆسێنه‌ره‌كانى حیزبی به‌عسه‌وه‌ ده‌ستگیر كرابوو و به‌ هۆى ئه‌شكه‌نجدانی جه‌سته‌یى و ده‌روونى و مانه‌وه‌یه‌كى زۆر له‌ زیندانه‌كانی به‌عسدا، له‌ رووى ته‌ندروستى زیانی زۆرى پێگه‌یشت و تا كۆچى دواییشى به‌ هۆیى ئازاره‌كانى ده‌یناڵاند.

عه‌بدولواحید گوانی یه‌كێك بووه‌ له‌ كه‌سایه‌تیه‌ ناسراوه‌كانى ده‌ڤه‌رى باڵه‌كایه‌تى و خاوه‌نى پێگه‌یه‌كى كۆمه‌لایه‌تى بووه‌ و له‌ ماوه‌ى كاركردنیدا خزمه‌تێكی زۆری ژینگه‌ و سرووشتی ناوچه‌كه‌ی كردووه‌ و به‌رده‌وام هه‌وڵى پێشخستنى ناوچه‌كه‌ى داوه‌ له‌ رووى گه‌شتیارى و دۆزینه‌وه‌ى هه‌لى كار بۆ دانیشتوانى سنووره‌كه‌ و هه‌ر بۆیه‌ش وه‌ك سه‌رۆكى بۆردى ناشناڵ پاركى هه‌لگورد - سه‌كران ده‌ست نیشانكرابوو.

له‌ ماوه‌ى 12 ساڵ قایمقام بوونى له‌ قه‌زاى چۆمان، شوێن په‌نجه‌ى به‌ سه‌ر چه‌ندین پرۆژه‌ى خزمه‌تگوزارى و ئاوه‌دانى ده‌ڤه‌ره‌كه‌ دیاره‌ و خزمه‌تێكى زۆریشى پێشكه‌ش به‌ خاوه‌ن پێداویستیه‌ تایبه‌ته‌كان كردووه‌ له‌و ماوه‌یه‌ى كه‌ سه‌رپه‌رشتیارى كۆمه‌له‌ى په‌ككه‌وتوانى سۆران بووه‌.

له‌و ماوه‌یه‌ى كه‌ عه‌بدولواحد گوانى ماوه‌یه‌كى زۆر به‌ هۆى نه‌خۆشكه‌وتنى له‌ نه‌خۆشخانه‌یه‌كى وڵاتى نه‌مسا له‌ژێر چاودێرییه‌كى ورد بوو

به‌رێز مه‌سعود بارزانى سه‌رۆكى هه‌رێمى كوردستان له‌ میانى سه‌ردانه‌كانیدا بۆ چه‌ند وڵاتێكى ئه‌وروپى، چاوى به‌ عه‌بدولواحید گوانى كه‌وتبوو و له‌ نزیكه‌وه‌ له‌ ته‌ندروستیى پرسیبوو.
به‌ مه‌به‌ستى پیرۆزكردنى جه‌ژنى ره‌مه‌زان به‌رپرسی لقى نۆى پارتى دیموكراتى كوردستان به‌یاوه‌رى شاندێك سه‌ردانى هه‌ردوو میحوه‌رى ناوه‌ران و باشیك و تلسقۆفى كرد و له‌لایه‌ن پێشمه‌رگه‌و فه‌رمانده‌كانى میحوه‌ر پێشوازیان لێكرا له‌ نزیكه‌و بارودۆخ و سه‌نگه‌ره‌كانى پێشمه‌رگه‌ باسیان لێوه‌كرا .

لاى خۆیه‌وه‌ به‌رپرسى لقى نۆى ئاكرێ رۆڵ و خه‌باتى پێشمه‌رگه‌ى به‌ به‌رز نرخاند كه‌ له‌ماوه‌ى زیاتر له‌ دووساڵ به‌ خوێن به‌رگرى له‌ خاكى هه‌رێمى كوردستان ده‌كه‌ن دژ به‌ تیرۆرستانى داعش ده‌ جه‌نگ و بونه‌ته‌ هۆیى پاراستنى ته‌واوى پێكهاته‌كانى خه‌لكى هه‌رێمى كوردستان به‌ ته‌واوى پێكهاته‌ جیاوازه‌كان، لاى خۆشیانه‌وه‌ فه‌رمانده‌و پێشمه‌رگه‌ كان سوپاسى شانده‌كه‌یان كرد كه‌ له‌م جه‌ژنه‌دا سه‌ردانیان كردوون.



له‌ چوارچێوه‌ى ئۆپه‌ڕاسیۆنه‌كانی كۆنترۆڵكردنى شارۆچكه‌ى ته‌له‌عفه‌ر هێزه‌كانی سوپای عیراق شه‌ش گوندیان كۆنترۆڵ كرده‌وه‌ .

له‌و باره‌وه‌ موئه‌یه‌د جه‌بار فه‌رمانده‌ى لیوای 71ی تیپی 15ى پیاده‌ى سه‌ر به‌ سوپای عیراق رایگه‌یاند كه‌ هێزه‌كانیان توانییان گونده‌كانى به‌غله‌و ته‌ل خه‌یمه‌ى بچووك و گه‌وره‌و مشێفره‌ى سه‌روو و خواروو و ئه‌بو كدوورو بویرو پرۆژه‌ى ئاوی بویر كۆنترۆڵ بكه‌ن كه‌ ئاو بۆ ته‌له‌عفه‌رو شنگال و به‌عاج و عیازییه‌ دابین ده‌كات.

روونیشی كرده‌وه‌ كه‌ رزگاركردنی ئه‌و گوندانه‌ له‌ چوارچێوه‌ى گه‌مارۆدانی ته‌واوه‌تی تیرۆریستانی داعش له‌ناو شارۆچكه‌ى ته‌له‌عفه‌رو ده‌وروبه‌رى دێت.

ئاماژه‌ى به‌وه‌یش كرد كه‌ هێزه‌كانیان خه‌ریكى شكاندنى ئه‌و به‌ربه‌ستانه‌ن كه‌ تیرۆریستانی داعش له‌ چوارده‌ورى شارۆچكه‌كه‌ دروستیان كردوون.

له‌ لایه‌كى دیكه‌شه‌وه‌ چه‌ند سه‌رچاوه‌یه‌ك رایانگه‌یاندووه‌ كه‌ له‌ بۆردومانی فرۆكه‌ جه‌نگیه‌كان بۆ سه‌ر داعش له‌ شارۆچكه‌ى ته‌له‌عفه‌ر به‌رپرسی فرۆكه‌ بێ فرۆكه‌وانه‌كانی تیرۆرستانی داعش و ژماره‌یه‌ك تیرۆریستى دیكه‌ كوژراون.

به‌ پێى سه‌رچاوه‌كان ئه‌و به‌رپرسه‌ی فرۆكه‌ بێفرۆكه‌وانه‌كانی داعش ناوی ئه‌بو حه‌فصه‌ بووه‌ و به‌ره‌به‌یانی ئه‌مرۆ له‌گه‌ڵ ژماریه‌ك تیرۆریستى دیكه‌ له‌ ئاكامی بۆردومانی فرۆكه‌ جه‌نگیه‌كان كوژراوه‌.

وه‌زاره‌تی كاره‌بای عیراق ره‌زامه‌ندی ده‌ربڕیوه‌، له‌چه‌ند رۆژی داهاتوودا بڕی حه‌فتسه‌د میگاوات كاره‌بای نیشتیمانی بۆ به‌غدای پایته‌خت زیاد بكرێت.

نوسینگه‌ی راگه‌یاندنی پارێزگای به‌غدا له‌ به‌یاننامه‌یه‌كدا رایگه‌یاندوه‌، له‌به‌ر زۆری خواستی به‌ركارهێنان ‌و به‌رزبوونه‌وه‌ی پله‌كانی گه‌رما، وه‌زاره‌تی كاره‌بای عیراق ره‌زامه‌ندی ده‌ربڕیوه‌، له‌چه‌ند رۆژی داهاتوودا بڕی حه‌فتسه‌د میگاوات كاره‌بای نیشتیمانی تر بۆ پایته‌خت زیادبكرێت، به‌و شێوه‌یه‌ش ده‌توانرێت سه‌عاته‌كانی پێدانی كاره‌با بۆ هاوڵاتیان زیاتر بكرێت.

ئاماژه‌ی به‌وه‌شداوه‌، له‌ئێستادا پشكی به‌غدای پایته‌خت له‌ كاره‌بای نیشتیمانی ته‌نها دوو هه‌زار و پێنجسه‌د میگاواته‌و به‌روارد به‌پشكی پارێزگاكانی تر زۆر كه‌مه‌. بۆ ئه‌و مه‌به‌سته‌ش داوایان له‌وه‌زاره‌تی كاره‌با كردووه‌ چاو به‌پشكی كاره‌بای به‌غدا بخشێنێته‌وه‌و ئه‌و قه‌یرانه‌یان بۆ چاره‌سه‌ر بكات.

گوته‌بێژی وه‌زاره‌تی په‌روه‌رده‌ باس له‌وه‌ ده‌كات، كه‌ له‌وه‌رزی هاویسنیشدا ده‌رماڵه‌ی هاندان دابه‌ش ده‌كرێت. سامان سیوه‌یلی گوته‌بێژی وه‌زاره‌تی په‌روه‌رده‌ی حكومه‌تی هه‌رێم له‌لێدوانێكدا ڕایگه‌یاند، تائێستا هیچ ده‌نگۆیه‌ك له‌باره‌ی دابه‌شكردنی دوو ده‌رماڵه‌ی هاندانی مامۆستایان به‌یه‌كه‌وه‌ نییه‌، هه‌ركاتێكیش وه‌زاره‌تی دارایی بڕیار بدات ئێمه‌ش بۆ مامۆستایانی ڕاده‌گه‌یه‌نین. ئه‌وه‌شی ئاشكراكرد، دابه‌شكردنی ده‌رماڵه‌ی هاندان له‌وه‌رزی هاوین و كۆتاییهاتنی خوێندنیش به‌رده‌وامده‌بێت، چونكه‌ له‌بنه‌ڕه‌تدا بڕیاربوو بۆ ماوه‌ی شه‌ش مانگ به‌رده‌وامبێت، بۆیه‌ له‌پشوی هاوینیشدا دابه‌شكردنی ده‌رماڵه‌كه‌ به‌رده‌وامده‌بێت و ڕاناگیرێت.

جێی ئاماژه‌یه‌ دوای مانگرتنی مامۆستایان له‌ دژی سیسته‌می موچه‌ و دواكه‌وتنی موچه‌كانیان حكومه‌تی هه‌رێم بریاریدا مانگانه‌ ده‌رماڵه‌ی هاندانی بداته‌ مامۆستایان، كه‌ بۆ مامۆستایانی ناوشار بڕه‌كه‌ی سه‌د هه‌زار دیناره‌ و بۆ مامۆستایانی ده‌ره‌وه‌ی شاره‌كان سه‌د و په‌نجا هه‌زار دیناره‌ .

به‌ڕێز مه‌سعوود بارزانى سه‌رۆكی هه‌رێمی كوردستان بروسكه‌ی سه‌ره‌خۆشیی بۆ كۆچی دوایی عه‌بدولواحید گوانی قایمقامى پێشووى چۆمان ئاراسته‌ى خانه‌واده‌ى خوالێخۆشبوو كرد ئه‌مه‌ ده‌قه‌كه‌یه‌تى:

به‌ناوی خودای مه‌زن و دلۆڤان ، خانه‌واده‌ی به‌ڕێزی كاك عه‌بدولواحید گوانی به‌ داخێكی زۆره‌وه‌ هه‌واڵی كۆچی دوایی كاكه‌ عه‌بدولواحیدمان پێگه‌یشت.

خوالێخۆشبوو له‌كاتی ته‌نگانه‌دا له‌ ساڵانی پێش ڕاپه‌ڕین، ڕاسته‌وخۆ په‌یوه‌ندیی به‌ منه‌وه‌ هه‌بوو و له‌ ڕاپه‌ڕینیشدا بۆ گه‌یاندنی ڕێنوێنی و ته‌وجیهات بۆ ڕێكخستنه‌ نهێنییه‌كانی ناوخۆ ڕۆڵێكی دیار و به‌رچاوی هه‌بوو. له‌ ساڵانی دوای ڕاپه‌ڕینیش وه‌ك پێشمه‌رگه‌ و كادیر و دواتریش وه‌ك قایمقامی چۆمان ڕۆڵێكی دیاری هه‌بوو و وێڕای ئه‌وانه‌ش وه‌ك دامه‌زرێنه‌ر و سه‌رۆكی كۆمه‌ڵه‌ی چاودێریی كه‌مئه‌ندامانی سۆران و دواتریش له‌ دامه‌زراندن و به‌ڕێوه‌بردنی ناشناڵ پاركی هه‌ڵگورد - سه‌كران، خزمه‌تێكی دڵسۆزانه‌ی پێشكه‌شی گه‌ل و وڵاته‌كه‌ی كرد.

له‌م بۆنه‌ خه‌مناكه‌دا پرسه‌ و سه‌ره‌خۆشی به‌ خانه‌واده‌ تێكۆشه‌ره‌كه‌تان و سه‌رجه‌م خزم و كه‌سوكار و هاوڕێیانی كاك عه‌بدولواحید و خه‌ڵكی نیشتیمانپه‌روه‌ری ده‌ڤه‌ری سۆران و باڵه‌كایه‌تی ڕاده‌گه‌یه‌نم و به‌شداری خه‌متانم.

له‌ خودای گه‌وره‌ داواكارم گیانی كاك عه‌بدولواحید بباته‌ به‌ر دلۆڤانیی خۆی و دڵنه‌وایی و ئارامییش به‌ هه‌موولایه‌ك ببه‌خشێت. انا لله وانا الیه‌ راجعون.

مه‌سعود بارزانی
26ـي 6ـي 2017
ته‌رمى خوالێخۆشبوو زوبێر نه‌جمان به‌رپرسى لیژنه‌ى ناوچه‌ى بامه‌ڕنێى پارتى به‌خاك سپێردرا
27.06.2017 | 14:43
دواى ئه‌وه‌ى به‌هۆى ڕووداوێكى هاتوچۆ زوبێر نه‌جمان كانیكى به‌رپرسى لیژنه‌ى ناوچه‌ى بامه‌ڕنێى
بڕیاره‌ ئه‌مڕۆ ته‌رمى خوالێخۆشبوو عه‌بدولواحید گوانى له‌ نه‌مساوه‌ بهێنرێته‌وه‌ كوردستان
27.06.2017 | 14:05
بڕیاره‌ ئه‌مڕۆ ته‌رمى عه‌بدولواحید گوانی قایمقامی پێشووی چۆمان و سه‌رۆكی بۆردی ناشناڵ پاركی
هێزه‌كانى عێراقى 6 گوندیان له‌ ته‌له‌عفه‌ر كۆنترۆڵ كرده‌وه‌
له‌ چوارچێوه‌ى ئۆپه‌ڕاسیۆنه‌كانی كۆنترۆڵكردنى شارۆچكه‌ى ته‌له‌عفه‌ر هێزه‌كانی سوپای عیراق
هێزه‌كانى سوریاى دیموكرات سه‌دا 25ـی شارى ره‌ققه‌یان كۆنترۆڵ كرده‌وه‌
ئۆپه‌راسیۆنی كۆنترۆڵكردنى شاری ره‌قه‌ به‌رده‌وامی هه‌یه‌ و له‌و چوارچێوه‌یه‌دا به‌گوێره‌ی سه‌رچاوه‌كان
گەرانەوە
ئاهه‌نگێكی یه‌كترناسینی گونده‌كانی هۆزی مزووری به‌رێوه‌چوو
27.05.2017 | 17:24
زۆربه‌ى گونده‌كانى ناوچه‌ى مزوورى له‌ ده‌ڤه‌رى بارزان له‌ به‌ر هۆكارى ئه‌منى ناتوانرێت ئاوه‌دان
پیاوێكى به‌ته‌مه‌ن دواى 42 ساڵ دابڕان، به‌ كه‌سوكارى شاد ده‌بێته‌وه‌
18.05.2017 | 13:59
پیاوێكى به‌ ته‌مه‌ن به‌ ناوى مه‌حمود حه‌مه‌ده‌مین ره‌حمان كه‌ له‌ بنه‌ڕه‌تدا خه‌ڵكى گوندى قه‌یته‌رانى
به‌ ته‌مه‌نترین مرۆڤی جیهان له‌ ته‌مه‌ن 146 ساڵی ماڵئاوایی له‌ ژیان كرد
02.05.2017 | 13:39
مباح گۆپۆی ته‌مه‌ن 146 ساڵی ئیندۆنێزی كه‌ بانگه‌شه‌ی ئه‌وه‌ ده‌كرا به‌ ته‌مه‌نترین مرۆڤی جیهان
فێستیڤاڵی ئاو له‌ میانمار گیان له‌ده‌ستدانی 285 كه‌سی لێكه‌وته‌وه‌
18.04.2017 | 10:55
له‌ فێستیڤاڵی ئاوی ناسراو به‌ سینگیاندا كه‌ به‌ بۆنه‌ی سه‌ری ساڵی میانماره‌وه‌ ماوه‌ی چوار
دواتر
له‌دوای تره‌مپ په‌یوه‌ندییه‌كانی رووسیا و ئه‌مریكا ئاڵۆزتر بوون
24.06.2017 | 16:09
په‌یوه‌ندییه‌كانی رووسیا و ئه‌مریكا سه‌ره‌ڕای به‌ڵێنه‌كانی دۆناڵد تره‌مپ، سه‌رۆكی ئه‌مریكا بۆ دانانی
به‌رلین.. شاندێكى شاعیرانى كورد به‌شداريان له‌ كۆنفڕانسى شیعرى جیهانى كرد
21.06.2017 | 11:14
ڤیستیڤاڵ چوار رۆژ به‌رده‌وام بوو و شاعیرانى كورد له‌ شه‌ش شاعیر له‌ هه‌ر چوار پارچه‌ى
بڕی 700 میگاوات كاره‌با زیاد ده‌كرێت
26.06.2017 | 19:41
وه‌زاره‌تی كاره‌بای عیراق ره‌زامه‌ندی ده‌ربڕیوه‌، له‌چه‌ند رۆژی داهاتوودا بڕی حه‌فتسه‌د می
ئه‌ربیلوا به‌یه‌كجارى وازى له‌ یاریكردن هێنا
24.06.2017 | 20:05
ئه‌لڤارۆ ئه‌ربیلواى ئیسپانى و یاریزانى یانه‌ى وێستهام یونایتد به‌یه‌كجارى وازى له‌ یاریكردن هێنا، ئه‌ربیل
بروسكه‌ى سه‌ره‌خۆشی سه‌رۆكى هه‌رێمى كوردستان بۆ كۆچى دوایى عه‌بدولواحید گوانى پیترا یۆس: كورد مافى ده‌وڵه‌تى سه‌ربه‌خۆى هه‌یه‌ سه‌رۆكی هه‌رێمی كوردستان جه‌ژنی ڕه‌مه‌زان له‌ موسڵمانان پیرۆز ده‌كات نێچیرڤان بارزانی جه‌ژنی ڕه‌مه‌زان پیرۆز ده‌كات مه‌سرور بارزانی جه‌ژنی ڕه‌مه‌زان پیرۆز ده‌كات له‌ په‌یامێكدا مه‌كته‌بی سیاسی پارتی دیموكراتی كوردستان جه‌ژنی ره‌مه‌زان له‌ موسڵمانان پیرۆز ده‌كات شاندێكى باڵاى پارتى به‌ سه‌رۆكایه‌تیى نێچیرڤان بارزانى سه‌ردانى ماڵى مام جه‌لالى كرد نێچیرڤان بارزانی و شاندێكی یه‌كێتیی ئه‌ورووپا ڕه‌وشی ناوچه‌كه‌ تاوتوێ ده‌كه‌ن سەرۆكی هەرێمی كوردستان لەگەڵ نوێنەری یەكێتیی ئەوروپا لە عێراق و باڵیۆز و كونسوڵ و نوێنەری وڵاتانی ئەندام لە یەكێتیی ئەوروپا كۆبۆوە مەسرور بارزانی: کوردستانێکی سەربەخۆ فاکتەرێکی بەهێزتری جەنگی دژ بە تیرۆر و ئاشتەوایی و سەقامگیری لە دەڤەرەکەدا دەبێت
هه‌ولێر
0ºC
سلێمانى
0ºC
دهۆك
0ºC

BA PARASTINI KURDISTAN BIBETE FERHENGI HEMUMAN

BA PARASTINI KURDISTAN BIBETE FERHENGI HEMUMAN
Copyright © 2015 All Right Reserved Kurdistan Tv