له‌ هیندستان ژماره‌ی قوربانیانی لافاو بۆ 42 كه‌س به‌رزبووه‌وه‌ كلینتۆن به‌فه‌رمی كاندیدبوونی خۆی بۆ هه‌ڵبژاردنه‌كانی سه‌رۆكایه‌تی قبووڵ كرد له‌ به‌لجیكا به‌ بێ بڕیاری دادگا؛ ده‌ست به‌سه‌ر ماڵ و سامانی تیرۆریستاندا گیرا كورته‌ی هه‌واڵه‌ وه‌رزشییه‌كان 2016-7-29 له‌ ئۆپه‌راسیۆنێكی سه‌ربازی دا؛ 36 چه‌كداری له‌ ئه‌فغانستان داعش كوژران داعش له‌ منبج 24 كه‌سیان كوشت هه‌نارده‌ی‌ نه‌وتی‌ ئێران بۆ ئاسیا به‌رزترین ئاستی‌ له‌ ماوه‌ی‌ چوار ساڵدا تۆمار كرد پێشبینی ده‌كرێت به‌هۆی گه‌شه‌ی خواست، نرخی نه‌وت جارێكی دیكه‌ ڕوو له‌ به‌رزبوونه‌وه‌ بكات ژماره‌ی ئه‌و گه‌شتیاره‌ بیانییانه‌ی له‌ مانگی حوزه‌یران سه‌ردانی توركیایان كردووه‌، سه‌دا 40 كه‌می كردووه‌ به‌ڕێوه‌به‌ری كشتوكاڵی ڕانیه‌، بڕشتی به‌رهه‌می جوتیاران و زیانه‌كانی ئه‌و بواره‌ی خسته‌ڕوو

له‌ هیندستان ژماره‌ی ئه‌و كه‌سانه‌ی به‌هۆی لافاوه‌وه‌ گیانیان له‌ده‌ستدا بۆ چل و دوو كه‌س به‌رزبووه‌وه‌ به‌پێی هه‌واڵێكی پرێس ترۆست به‌هۆی باران و لافاوه‌وه‌ له‌ناوچه‌كه‌، له‌ ویلایه‌تی بیهار بیست و دوو كه‌س و له‌ ویلایه‌تی ئاسام بیست كه‌س گیانیان له‌ده‌ستداوه‌. هێزه‌كانی هاوكارییكردنی قوربانیانی كاره‌ساته‌ سرووشتییه‌كان له‌ هندستان نزیكه‌ی پازده‌ هه‌زار كارتۆن خوارده‌مه‌نی وشكیان به‌سه‌ر قوربانیانی لافاوه‌كه‌دا دابه‌شكردووه‌.

له‌ روونكردنه‌وه‌یه‌كیشدا له‌لایه‌ن دامه‌زراوه‌ی به‌ڕێوه‌بردنی كاره‌ساته‌ سرووشتییه‌كان له‌ ویلایه‌تی ئاسام رایگه‌یاندووه‌ كه‌ دوو سه‌د و بیست و نۆ هه‌زار كه‌س بۆ ناوچه‌ ئارامه‌كان و كه‌مپه‌ كاتییه‌كان گوازراونه‌ته‌وه‌.

هاوكات به‌رپرسان ئاماژه‌یان به‌وه‌كرد پاركی نیشتمانیی كازیرانگا كه‌ كه‌ركه‌ده‌نه‌ تاك شاخه‌كانی لێیه‌ و خه‌ریكه‌ نه‌وه‌ی ئه‌و جۆره‌ كه‌ركه‌ده‌نه‌ له‌ جیهاندا نامێنێت، له‌سه‌دا هه‌شتای پاركه‌كه‌ كه‌وته‌ ژێر ئاوه‌وه‌.
 

‌له‌ میانی كۆنگره‌یه‌كدا كه‌ له‌شاری فیلادلفیای ویلایه‌تی پێنسیلڤانیا به‌رێوه‌چوو، هیلاری كلینتۆن وه‌ك كاندیدی دیموكراته‌كان بۆ هه‌ڵبژاردنی سه‌رۆكایه‌تی ئه‌مریكا دیاری كرا و به‌وه‌یش بووه‌ یه‌كه‌مین كاندیدی ژن له‌ وڵاته‌كه‌یدا. له‌كاتی هه‌ڵبژاردنیدا به‌ كاندید، كلینتۆن گوته‌یه‌كی پێشكه‌ش كرد و زۆر به‌توندی هێرشی كرده‌ سه‌ر كاندیدی كۆماریه‌كان، دۆناڵد تره‌مپ و ستایشی سه‌رۆكی ئه‌مریكا، باراك ئۆباماشی كرد.

كلینتۆن ره‌خنه‌ی له‌و ده‌سته‌واژه‌یه‌ی تره‌مپ گرت كه‌ به‌رده‌وام باس له‌وه‌ ده‌كات، مسوڵمانان نابێت رێگه‌یان پێ بدرێت بێنه‌ ئه‌مریكا و رایگه‌یاند كه‌ دیموكراته‌كان ئایین له‌ هیچ كه‌س قه‌ده‌غه‌ ناكه‌ن به‌ڵكو هه‌موو ئه‌مریكیه‌ك پێكه‌وه‌ له‌گه‌ڵ هاوپه‌یمانه‌كانیان تیرۆر ده‌به‌زێنن. كلتینۆن گوتی: پێكه‌وه‌ به‌هێزین، ئه‌مه‌ ته‌نیا دروشمێكی هه‌ڵمه‌تی هه‌ڵبژاردن نییه‌، به‌ڵكو له‌و به‌ها گرنگانه‌وه‌ فێربووین كه‌ وڵاتمانی له‌سه‌ر دامه‌زراوه‌.

كلینتۆن رایگه‌یاند كه‌ تره‌مپ به‌رده‌وام له‌ هه‌ڵمه‌ته‌كه‌یدا خه‌ڵك له‌یه‌ك جودا ده‌كاته‌وه‌، به‌تایبه‌ت كۆچبه‌ران ده‌كاته‌ ئامانج كه‌ ئه‌وه‌یش له‌گه‌ڵ به‌هاكانی ئه‌مریكادا یه‌ك ناگرێته‌وه‌. كلینتۆن رایگه‌یاند كه‌ ئۆباما یه‌كێك بووه‌ له‌و سه‌رۆكه‌ سه‌ركه‌وتووانه‌ی ئه‌مریكا به‌خۆیه‌وه‌ بینیوێتی.
 

بۆ یه‌كه‌مجار به‌لجیكا به‌بێ بڕیاری دادگا، ده‌ستی به‌سه‌ر ماڵ و سامانی تۆمه‌تبارانی تیرۆردا گرت.كاربه‌ده‌ستانی باڵای به‌لجیكا رایانگه‌یاند كه‌ به‌بێ بڕیاری دادگا، ناوه‌ندی هه‌ماهه‌نگی شیكاری هه‌ڕه‌شه‌ له‌سه‌ر داوای هه‌واڵگری دژه‌ تیرۆر بۆ یه‌كه‌مجار بڕیاری ده‌ستبه‌سه‌رداگرتنی ماڵ و دارایی تیرۆریستانی داوه‌. به‌پێی بریارێك ئه‌و به‌رپرسانه‌ی به‌لجیكا، ده‌ستیان به‌سه‌ر ماڵ وسامانی دوازده‌ كه‌سدا گرتووه‌ و رێگریان له‌ خاوه‌نه‌كانیان كردووه‌ كه‌ ده‌ستیان پێی بگات.

هاوكات رێگریان كردووه‌ له‌ گه‌یاندنی یارمه‌تی دارایی بۆ كه‌سانی سێیه‌م. به‌پێی زانیاریه‌كانی وه‌زاره‌تی ناوخۆی به‌لجیكا، شه‌ش سه‌د و یازده‌ كه‌سی هه‌ڵگری ره‌گه‌زنامه‌ی به‌لجیكا له‌ سووریا كوژراون. له‌ ناو وڵاتانی ئه‌ورووپادا زۆرترین ژماره‌ی شه‌ڕكه‌ره‌ له‌ به‌لجیكاوه‌ روویان له‌ سووریا كردووه‌.

* ڕۆژنامه‌ى لاگازیتا دیلۆسپۆرتى ئیتاڵى بڵاوى كرده‌وه‌ كه‌ یانه‌ى ئه‌ى سیى میلان هه‌وڵ ده‌دات له‌ گواستنه‌وه‌ى هاوینه‌ى ئێستادا سیمۆنى زازاى ئیتاڵى و هێرشبه‌رى یانه‌ى یوڤێنتوس به‌ شێوازى خواستن بگوازێته‌وه‌ ڕیزى خۆى.

* لۆكاس پۆدۆلسكى ئه‌ڵمانى و هێرشبه‌رى یانه‌ى گه‌ڵاته‌سه‌راى ڕایگه‌یاند، سه‌ره‌ڕاى ناجێگیرى بارودۆخى توركیا، به‌نیاز نیه‌ یانه‌كه‌ى به‌جێبهێڵێت و وه‌رزى داهاتووش هه‌ر له‌ ڕیزیدا ده‌مێنێته‌وه‌.

* خۆرخى سامپاولى ئه‌رژه‌نتینى و ڕاهێنه‌رى یانه‌ى سیڤیلیه‌ ڕایگه‌یاند، سه‌رۆكى یه‌كێتى تۆپى پێى ئه‌رژه‌نتین داواى لێكردووه‌ ئه‌ركى ڕاهێنانى هه‌ڵبژارده‌ى وڵاته‌كه‌ى وه‌ربگرێت، به‌ڵام داواكه‌ى ڕه‌تكردۆته‌وه‌.

* شاى گیڤن گۆڵپارێزى هه‌ڵبژارده‌ى ئێرله‌نداو یانه‌ى ستۆك سیتى دواى یاریكردنى بۆ ماوه‌ى نزیكه‌ى بیست ساڵ له‌ ڕیزى هه‌ڵبژارده‌ى وڵاته‌كه‌ى، وازهێنانى یه‌كجاره‌كى له‌ یارى نێوده‌وڵه‌تى ڕاگه‌یاند.

* به‌گوێره‌ى ڕۆژنامه‌ى لاگازیتا دیلۆسپۆرتى ئیتاڵى، مارك هامسیكى سلۆڤاكى و یاریزانى هێڵى ناوه‌ڕاستى یانه‌ى ناپۆلى ڕه‌زامه‌ندى له‌سه‌ر درێژكردنه‌وه‌ى گرێبه‌ستى له‌گه‌ڵ یانه‌كه‌ى بۆ چوار ساڵى دیكه‌ ده‌ربڕیووه‌.

* میدیاكانى بریتانیا بڵاویان كرده‌وه‌ كه‌ یانه‌ى ئه‌تله‌تیكۆ مه‌درید هه‌وڵه‌كانى بۆ مۆركردنى گرێبه‌ست له‌گه‌ڵ هال ڕۆبسۆن كانو هێرشبه‌رى هه‌ڵبژارده‌ى وێڵز چڕكردۆته‌وه‌.

* یانه‌ى میدڵزبره‌ كه‌ تازه‌ گه‌ڕاوه‌ته‌وه‌ ڕیزى یانه‌ پله‌ نایابه‌كانى ئینگلته‌را به‌فه‌رمى و بۆ دوو وه‌رز گرێبه‌ستى له‌گه‌ڵ براد گوزانى ئه‌مه‌ركى و گۆڵپارێزى یانه‌ى ئه‌ستۆن ڤێلا واژووكرد.

* ماركۆس باگداتیس یاریزانى تێنسى قوبروسى ڕایگه‌یاند، به‌هۆى پێكان به‌شدارى له‌ ئۆڵۆمپیادى ڕیۆ دى جانیرۆ ناكات.
 

له‌ پارێزگای نانگارهاری ئه‌فغانستان له‌ ئۆپه‌راسیۆنێكدا بۆ سه‌ر رێكخراوی تیرۆریستیی داعش، سیی و شه‌ش ئه‌ندامی رێكخراوه‌كه‌ كوژران. له‌ روونكردنه‌وه‌یه‌كدا كه‌ له‌لایه‌ن وه‌زاره‌تی به‌رگری ئه‌فغانستانه‌وه‌ بڵاوكراوه‌ته‌وه‌ ئاماژه‌ به‌وه‌كراوه‌ له‌ هه‌ریه‌ك له‌ شارۆچكه‌كانی ئاچین، كۆت و دێباڵای سه‌ر به‌ پارێزگای نانگارهاری خۆرهه‌ڵاتی ئه‌فغانستان، ئۆپه‌راسیۆنێكی چڕوپڕ بۆ سه‌ر چه‌كدارانی داعش ئه‌نجامدراوه‌ و سیی و شه‌ش چه‌كداری رێكخراوه‌كه‌ كوژراون.

له‌ روونكردنه‌وه‌كه‌دا باس له‌وه‌شكراوه‌ له‌ پارێزگا جیاوازه‌كانی ئه‌فغانستان و له‌ژماره‌یه‌ك ئۆپه‌راسیۆندا سیی و پێنج چه‌كداری تاڵیبان كوژراون و ژماره‌یه‌كی زۆر و چه‌ك و ته‌قه‌مه‌نی ده‌ستیان به‌سه‌ردا گیراوه‌. ئاماژه‌ به‌وه‌شكراوه‌ له‌ ئه‌نجامی ئه‌و پێكدادانانه‌ی له‌ ئۆپه‌راسیۆنه‌كاندا هاتووه‌ته‌ ئاراوه‌، دوو كارمه‌ندی هێزه‌ ئه‌منییه‌كان گیانیان له‌ده‌ستداوه‌.


تۆرى سووریا بۆ مافه‌كانى مرۆڤ رایگه‌یاند كه‌ تیرۆریستانى داعش له‌ ماوه‌ى 24 كاتژمێرى رابردوو بیست و چوار هاووڵاتى سڤیلى له‌ گوندى ئه‌لبویر نزیك شارۆچكه‌ى منبج له‌ سێداره‌ داوه‌. هاوكات تۆره‌كه‌ ئاماژه‌ى به‌وه‌شكرد كه‌ دواى ئه‌وه‌ى چه‌كدارانى داعش هه‌لیانكوتاوه‌ته‌ سه‌ر گونده‌كانى قرت و ئه‌لبویر و ئه‌لجاموسیه‌، ده‌ستیان به‌ ده‌ستگیر كردن و له‌ سێداره‌دانى خه‌لكى سڤیلى ئه‌و ناوچانه‌ كردووه‌.تۆرى سووریا ئه‌وه‌شى خسته‌ روو كه‌ تیرۆریستانى داعش دواى داگیر كردنى كردنى گوندى ئه‌لبویر ژماره‌یه‌ك خانووى هاووڵاتیانیان سوتاندووه‌ و ته‌رمى ئه‌و هاووڵاتیانه‌ى كه‌ له‌سێداره‌یان داون له‌ گوندى بوزكیچ به‌ خاكیان سپاردوون.

به‌پێی سه‌رچاوه‌ لۆكالییه‌كانی رۆژئاوای كوردستان، له‌ گه‌ره‌كی كه‌جه‌لی شاری منبج شه‌ڕ و پێكدادانی ‌نێوان شه‌ڕڤانانی ئه‌نجومه‌نی سه‌ربازی منبج و چه‌كدارانی داعش به‌رده‌وامه‌، كه‌ نزیكه‌ی هه‌زار دانیشتووی گه‌ره‌ك له‌ لایه‌ن ئه‌نجومه‌نی سه‌ربازی منبج رزگاركراون. هاووڵاتیانی مه‌ده‌نی وه‌ك قه‌ڵغان له‌ لایه‌ن چه‌كدارانی داعش به‌كار ده‌هێنران.
 

هه‌نارده‌ی‌ نه‌وتی‌ ئێران بۆ چوار كڕیاری‌ له‌ كیشوه‌ری‌ ئاسیا به‌ڕێژه‌ی سه‌دا 47 پۆینت 1 به‌رزبۆته‌وه‌ له‌ سه‌ر بنه‌مای‌ ساڵانه‌ له‌ مانگی‌ حوزه‌یراندا، به‌مه‌ش هه‌نارده‌ی‌ نه‌وتی‌ ئه‌و وڵاته‌ گه‌یشتۆته‌ به‌رزترین ئاستی له‌ماوه‌ی‌ چوار ساڵی‌ رابردوودا دوای‌ ئه‌و زیانه‌ی‌ به‌هۆی‌ گه‌مارۆ ئابوورییه‌كانه‌وه‌ پێیگه‌یشتبوو. ئێران پشكی‌ خۆی‌ له‌ بازاڕه‌كاندا خێراتر ده‌گه‌ڕێنێته‌وه‌ له‌وه‌ی‌ شیكه‌ره‌وه‌كان پێشبینیان ده‌كرد، دوای‌ هه‌ڵگرتنی‌ گه‌مارۆكان له‌ مانگی‌ كانوونی‌ دووه‌می‌ رابردوودا.

پێده‌چێت فرۆشی‌ نه‌وتی‌ ئێران به‌ به‌هێزی‌ بمێنێته‌وه‌ دوای‌ ئه‌وه‌ی‌ به‌رهه‌مهێنه‌رانی‌ نه‌وتی‌ ئۆپێك ئاستی‌ به‌رهه‌مهێنانی‌ نه‌وتیان كه‌مكرده‌وه‌. له‌ مانگی‌ حوزه‌یرانی‌ رابردوودا فرۆشی‌ نه‌وتی‌ ئێران له‌ ماوه‌ی‌ چوار ساڵی‌ رابردوودا به‌رزترین ئاستی تۆماركردووه‌ دوای‌ هه‌ڵگرتنی‌ گه‌مارۆ ئابوورییه‌كان له‌ سه‌ر به‌رهه‌مه‌ نه‌وتییه‌كان له‌ هه‌مان مانگدا. له‌كاتێكدا ئێران نه‌وته‌كه‌ی به‌ كه‌متر له‌ نرخی‌ سعودیه‌ و عێراق فرۆشتووه‌ و كڕیای‌ نوێی بۆ خۆی په‌یداكردووه‌ وه‌ك پۆڵه‌ندا و هانی‌ كڕیارانی‌ ئاسیای‌ دا بۆ كڕینی نه‌وته‌كه‌ی‌.

به‌پێی‌ داتاكانی‌ حكوومه‌ت و داتاكانی‌ جووڵه‌ی‌ كه‌شتییه‌كان، ئه‌و چوار وڵاته‌ی‌ نه‌وتی‌ ئێرانیان كڕیووه‌ بریتین له‌، كۆریای‌ باشوور و ژاپۆن و چین و هندستان كه‌ ڕۆژانه‌ی یه‌ك ملیۆن و 72 هه‌زار به‌رمیل نه‌وتی‌ ئێران له‌ مانگی‌ حوزه‌یراندا ڕه‌وانه‌ی‌ ئه‌و وڵاتانه‌ كراوه‌، وه‌زیری‌ ئابووری‌ و بازرگانی‌ و پیشه‌سازی‌ ژاپۆن‌ رۆژی هه‌ینی داتا فه‌رمییه‌كانی‌ كڕینی نه‌وتی‌ نه‌وتی‌ وڵاته‌كه‌ی‌ بڵاوكرده‌وه‌ و ده‌رده‌كه‌وێت ئه‌و وڵاته‌ به‌راورد به‌ ساڵی‌ رابردوو، كڕینی‌ نه‌وتی‌ ئێرانی‌ سێ هێنده‌‌ كردووه‌ و گه‌یشتۆته‌ 275 هه‌زار به‌رمیل له‌ رۆژێكدا له‌ مانگی‌ حوزه‌یراندا.
 

شیكه‌ره‌وانی بازاڕی نه‌وت پێشبینی ده‌كه‌ن نرخی نه‌وت له‌ماوه‌ی ئه‌مساڵدا جارێكی دیكه‌ ڕوو له‌ به‌رزبونه‌وه‌ بكات، به‌هۆی گه‌شه‌ی خواست له‌سه‌ری، ئه‌وه‌ش به‌پێی ئه‌نجامی ڕاپرسیه‌كی ئاژانسی رۆیته‌رز كه‌ رۆژی هه‌ینی بڵاوكرایه‌وه‌، ژماره‌یه‌ك شاره‌زای ئابووری و شیكه‌ره‌وه‌ی بازاڕ له‌ ڕاپرسییه‌كه‌دا پێشبینییان كردووه‌، ناوه‌ندی نرخی نه‌وتی خاوی برێنت بگاته‌ 45 دۆلار و 51 سه‌نت بۆ هه‌ر به‌رمیلێك له‌مساڵدا كه‌ كه‌مێك به‌رزتره‌ له‌ پێشبینییه‌كانی پێشوویان له‌ مانگی رابردوودا، هه‌روه‌ها به‌ڕێژه‌ی 3 دۆلار و 55 سه‌نت زیاتره‌ له‌ ناوه‌ندی نرخی نه‌وت له‌سه‌ره‌تای ئه‌مساڵه‌وه‌ كه‌ 41 دۆلار و 96 سه‌نت بووه‌، هه‌روه‌ها ڕاپرسیه‌كه‌ پێشبینی ده‌كات، ناوه‌ندی نرخی نه‌وتی خۆرئاوای تكساس كه‌ دواتر ڕاده‌ستده‌كرێت بگاته‌ 44 دۆلار و 12 سه‌نت بۆ هه‌ر به‌رمیلێك له‌مساڵدا كه‌ زیاتره‌ له‌ پێشبینییه‌كه‌ی مانگی رابردویان به‌و پێیه‌ی پێشتر پێشبینی 43 دۆلار و 90 سه‌نتیان كردبوو.

ئه‌و نرخه‌ی كه‌ شیكه‌ره‌وان پێشبینیان كردووه‌ بۆ نه‌وتی خۆرئاوای تكساس، زیاتره‌ له‌ ناوه‌ندی نرخه‌كه‌ی له‌سه‌ره‌تای ئه‌مساڵه‌وه‌ كه‌ 40 دۆلار و 47 سه‌نت بووه‌ بۆ هه‌ر به‌رمیلێك، ئه‌وه‌ له‌كاتێكدایه‌، نرخی نه‌وت ماوه‌ی چه‌ند رۆژێكه‌ به‌شێوه‌یه‌كی به‌رچاو ڕووی له‌ دابه‌زین كردووه‌، رۆژی هه‌ینی بۆ ئاستێكی‌ نوێ دابه‌زی‌ كه‌ به‌نزمترین داده‌نرێت له‌ ماوه‌ی‌ چوار مانگی‌ ڕابردوودا، به‌هۆی‌ كه‌مبوونه‌وه‌ی‌ گه‌شه‌ی‌ ئابووری‌ كه‌ هۆشداری‌ ده‌دات له‌ زیادبوونی‌ نه‌وتی‌ به‌بازاڕخراو.

به‌پێی چه‌ند داتایه‌كی فه‌رمی، ژماره‌ی ئه‌و گه‌شتیاره‌ بیانیانه‌ی له‌ مانگی حوزه‌یران سه‌ردانی توركیایان كردووه‌، به‌ڕێژه‌ی سه‌دا 40 كه‌می كردووه‌، ئه‌وه‌ش زۆرترین دابه‌زینه‌ له‌ رێژه‌ی ئه‌و گه‌شتیارانه‌دا كه‌ سه‌ردانی توركیایان كردووه‌ له‌ماوه‌ی 22 ساڵی ڕابردوودا، به‌تایبه‌ت دوای سه‌رهه‌ڵدانی گرژی و ئاڵۆزی له‌نیوان توركیاو ڕووسیا و ئه‌و زنجیره‌ ته‌قینه‌وانه‌ی كه‌ له‌و وڵاته‌دا ڕوویاندا. ئه‌و داتایانه‌ كاریگه‌ری خراپیان له‌سه‌ر ئابووری ئه‌و وڵاته‌ ده‌بێت، به‌تایبه‌ت وه‌به‌رهێنه‌ران به‌ ئاگاوه‌ مامه‌ڵه‌ له‌گه‌ڵ پێشهاته‌ سیاسی و ئه‌منییه‌كانی ئه‌و وڵاته‌ ده‌كه‌ن.

پسپۆرانی بواره‌كه‌ پێشبینیی ده‌كه‌ن ئابووری توركیا كه‌ یه‌كێك بوو له‌ ئابوورییه‌ گه‌شه‌ سه‌ندووه‌كان له‌ ناوچه‌كه‌دا، به‌ كاریگه‌ری كوده‌تا شكستخواردووه‌كه‌ی ناوه‌ڕاستی ئه‌م مانگه‌، پاشه‌كشه‌ی زیاتر به‌خۆوه‌ ببینێت، پسپۆرانی بواره‌كه‌ پێشبینیشیان كردووه‌، داهاتی كه‌رتی گه‌شتیاری توركیا له‌مساڵدا به‌ڕێژه‌ی سه‌دا 25 دابه‌زین به‌خۆوه‌ ببینێت، ئه‌وه‌ش زیانی چه‌ندین ملیار دۆلار به‌ ئابووری ئه‌و وڵاته‌ ده‌گه‌یه‌نێت.

له‌ لێدوانێكی تایبه‌ت به‌ كوردستان تی ڤی، به‌ڕێوه‌به‌ری كشتوكاڵی ڕانیه‌ ئاماژه‌ی به‌ بڕشتی به‌رهه‌می جوتیارانی سنووری ئیداره‌ی ڕاپه‌ڕین كردوو و زیانه‌كانی جوتیارانی خسته‌ڕوو كه‌ ئه‌مساڵ به‌هۆی به‌رزبوونه‌وه‌ی ئاستی ئاوی به‌نداوی دووكان، هه‌زاران دۆنم گه‌نم ژێر ئاو كه‌وتووه‌ و بڕیاری وه‌زاره‌تی بازرگانی عێراقیش له‌مه‌ڕ وه‌رگرتنی ته‌نها سه‌دا حه‌فتای به‌رهه‌می جوتیارانی هه‌رێمی كوردستانی به‌ زیانێكی دیكه‌ی جوتیاران وه‌سف كرد.

ل:
ساڵح حوسێن ــ به‌ڕێوه‌به‌ری كشتوكاڵی ڕانیه‌

 
وه‌زیری ئه‌وقاف به‌ وه‌كاله‌ت: عێراق چیتر ئه‌و ده‌وڵه‌ته‌ یه‌كانگیره‌ نییه‌ كه‌ به‌ هه‌موومان تیایدا بمێنینه‌وه‌
29.07.2016 | 17:30
وه‌فدێكی باڵای دیوانی وه‌قفی سوننه‌ به‌ سه‌رۆكایه‌تی (د.عه‌بدولله‌تیف هومه‌ییم)ی سه‌رۆكی
فه‌لاح مسته‌فا: پێشبینی ئه‌وه‌ ده‌كه‌ین له‌ ئۆپه‌راسیۆنی كۆنتڕۆڵكردنه‌وه‌ی مووسڵ نزیكه‌ی یه‌ك ملیۆن ئاواره‌ی دیكه‌ بێننه‌ هه‌رێم
29.07.2016 | 17:27
له‌ شارى هه‌ولێر كۆنگره‌یه‌كى رۆژنامه‌وانى بۆ ، فه‌لاح مسته‌فا به‌رپرسی فه‌رمانگه‌ی په‌یوه‌ندییه‌كانی
خاچی سور: پێشبینی ده‌كرێت زیاتر له‌ یه‌ك ملیۆن كه‌س له‌ موسڵ ئاواره‌ ده‌بن
جاچی سوری نێوده‌وڵه‌تی رایگه‌یاند كه‌ پێشبینی ده‌كه‌ن به‌هۆی شه‌ڕی رزگاكردنه‌وه‌ی شاری
له‌ ئۆپه‌راسیۆنێكی سه‌ربازی دا؛ 36 چه‌كداری له‌ ئه‌فغانستان داعش كوژران
له‌ پارێزگای نانگارهاری ئه‌فغانستان له‌ ئۆپه‌راسیۆنێكدا بۆ سه‌ر رێكخراوی تیرۆریستیی داعش
له‌ هیندستان ژماره‌ی قوربانیانی لافاو بۆ 42 كه‌س به‌رزبووه‌وه‌
29.07.2016 | 17:54
له‌ هیندستان ژماره‌ی ئه‌و كه‌سانه‌ی به‌هۆی لافاوه‌وه‌ گیانیان له‌ده‌ستدا بۆ چل و دوو كه‌س به‌رزبووه‌وه‌
له‌ دهۆك خولی 4ی فیلمی فێستیڤاڵی نێوده‌وڵه‌تی راگه‌یه‌ندرا
25.07.2016 | 18:49
ئه‌مرۆ له‌ پرێس كۆنفرانسێكدا سالح عارف جێگرى سه‌رۆكى فیستیڤالى فیلمى نێوده‌وله‌تى دهۆك رایگه‌یاند
هه‌نارده‌ی‌ نه‌وتی‌ ئێران بۆ ئاسیا به‌رزترین ئاستی‌ له‌ ماوه‌ی‌ چوار ساڵدا تۆمار كرد
29.07.2016 | 18:05
هه‌نارده‌ی‌ نه‌وتی‌ ئێران بۆ چوار كڕیاری‌ له‌ كیشوه‌ری‌ ئاسیا به‌ڕێژه‌ی سه‌دا 47 پۆینت 1 به‌رزبۆته‌وه‌
كورته‌ی هه‌واڵه‌ وه‌رزشییه‌كان 2016-7-29
29.07.2016 | 19:37
* ڕۆژنامه‌ى لاگازیتا دیلۆسپۆرتى ئیتاڵى بڵاوى كرده‌وه‌ كه‌ یانه‌ى ئه‌ى سیى میلان هه‌وڵ ده‌دات
سه‌رۆك بارزانی پێشوازیی له‌ سه‌ركردایه‌تیی پارتی دیموكراتی كوردستان ــ باكوور كرد سه‌رۆك بارزانی پێشوازی له‌ كۆمیسیاری باڵای یه‌كێتی ئه‌وروپا بۆ كاروباری مرۆیی ده‌كات سه‌رۆك بارزانی پێشوازی له‌ شاندێكی ڕێكخراوی چاودێریی مافه‌كانی مرۆڤ ده‌كات مه‌كته‌بی سیاسیی پارتی دیموكراتی كوردستان ته‌قینه‌وه‌ تیرۆریستییه‌كانى قامیشلۆى ئیدانه‌ كرد سه‌رۆکی حکومه‌تی هه‌رێمی کوردستان به توندی ئیدانه‌ی ته‌قینه‌وه‌کانی قامشلۆ ده‌کات سه‌رۆك بارزانی په‌یامێكی هاوخه‌می بۆ كه‌سوكاری قوربانیانی ڕووداوه تیرۆریستییه‌كه‌ی قامیشلو راگه‌یاند فوئاد حوسێن: سه‌رۆك بارزانى ئاماده‌یى خۆى بۆ هه‌موو هاوكارییه‌ك بۆ گه‌یشتن به‌ رێككه‌وتن نیشان داوه‌ سكرتێرى مه‌كته‌بى سیاسیى (پ_د_ك) له‌گه‌ل سكرتێری حزبی سۆشیالیست دیموكراتی كوردستان كۆبووه‌وه‌ نێچیرڤان بارزانی: پێویسته‌ پلانێك بۆ به‌ڕێوه‌بردنی موسڵی دوای داعش هه‌بێت سه‌رۆك بارزانی: گەلی كوردستان لە شەڕی تیرۆریستانی داعش باجێكی گەورەی مرۆیی و ئابووری دا
هه‌ولێر
0ºC
سلێمانى
0ºC
دهۆك
0ºC

BA PARASTINI KURDISTAN BIBETE FERHENGI HEMUMAN

BA PARASTINI KURDISTAN BIBETE FERHENGI HEMUMAN
Copyright © 2015 All Right Reserved Kurdistan Tv