Polîs li Moskovayê gelek ciyan vala kir Koreya Bakûr dîsa gef li Amerîka û Japonya kirin Di 48 saetan de QSD’ê gihîşt Dêrazorê Serok Barzanî: Vê gelê Kuridstanê di 25ê Îlonê de biryara xwe bide Serok Barzanî li gel şandeke hevpeymaniya cîhanî civiya Nêçîrvan Barzanî û Frank Becker behsa qonaxa piştî DIŞIê kirin Nêçîr‌van Barzanî û Mcgurk pêdagirî li ser diyaloga navbera Hewlêr û Bexdayê kirin SK: Biryara parlementoya Îraqê ti buhayeke xwe tineye Li dijî xala kontrole êrişa xwekujî: 50 mirî 80 jî birîndar Caferî: Şer di navbera hêzên Iraqî û Pêşmerge de hêla sore


Li Moskovayê rêvebirî û asayiş ketiye nava tevgerê. Li gor çend giliyên ku bi hev re hatine kirin, texmînen li dora 10 hezar kesî ji rawestgehên trênan, zanko û AVM yan hatine dûrkirin.

Bi sedema hatiye gilîkirin ku bombe xistine hinek deveran, hinek zanko, AVM, rawestgehên trênan û dibistan ji aliyê hêzên dewletê ve hatine valakirin. Ciyên ku hatine valakirin li dora 30 cihî ne. Ji rawesgehên trênan li dora 600 kes, ji maxazayan li dora 10 hezar kesî, ji fakulteya tibê ya Seçenovê û MGIMO ya Pêwendiyên navdewletî û du ciyên bazirganiyê, gelek kes hatine dûrxistin.

Polîs ciyê ku jê şikê dike, lê lekolînan dike.


Di rûniştina Konseya Ewlekariya Netewên Yekbûyî ya berî naha de hin qedexeyên giring li ser Koreya bakûr hatin danîn û ew pêkanîn bi dengên giştî ve hatin pejirandin. Li hember vê yekê wek bertekekê Koreya Bakûr li hember Amerîka û Japonya gefa bikaranîna çekên nûkleerî kir.

Koreya Bakûr bi rêya Ajansa fermî ya dewleta Koreya bakûr KCNA ragehand, ewê bi çekên nûkleerî ve Japonyayê bi temamî nuqim bikin û Amerîkayê jî wek xweliyê bikin û di tarîbûnê de bifetisînin.

Komîteya Asya-Pasîfîk û Komîteya aştî ya karên dîplomatîk û propagandaya Koreya bakûr dike jî ragehand, welatên ku Amerîkayê rişwet daye wan û di fermana Amerîkayê de ne li gel yek tevdigerin û got, ew Konseya ewlekariyê amûrê xirabiyane û em bang dikin bê rakirin.

Komîteya Asya-Pasîfîk ji ajansa KCNA re got û di beyanameya xwe de ragehand: ‘’Bi bombeyên nûkleer ên Juche ve 4 cezîre divê noqî behrê bên kirin. Êdî pêwîst nake Japonya li tenişta me be.’’


QSD’ê di çarçoveya hemleya “Bagera Cizîrê” de pêşveçûneke ber biçav pêk anî û karibû di 48 saetan de bigihêje ber deriyên bajarê Dêrazorê û herêmeke berfireh li rojhilatê çemê Feratê rizgar kir û riya alîkariya bi DAIŞ’ê re qut kir.

Hêzên Sûriya Demokratîk (QSD) li rex hemleya xwe ya rizgarkirina bajarê Reqayê, ji bo deverên girêdayî Herêma Cizîrê û rojhilatê çemê Feratê “gundewarê rojhilatê Dêrazorê” ji destên çeteyên DIŞI’ê rizgar bike beriya çend rojan hemleya xwe ya leşkerî di bin navê “Bagera Cizîrê” de dest pê kir. Hemle ku di roja xwe ya pêncemîn de ye bi awayekî ber bi çav ber bi bajarê Dêrazorê ve herikî û herêmeke berfireh ji çeteyên DIŞI’ê rizgar kir.

Hemle ji du aliyan ve hate destpêkirin, a yekemîn Ebû Fas – Dêrazor bû û li vir şervanên hemleyê karibûn 67 km ber bi bajarê Dêrazorê ve rizgar bikin. A duyemîn jî Ebû Xeşeb – Dêrazor bû û li vir jî şervanên QSD’ê pêşveçûneke ber biçav pêk anîn û devereke bi dirêjahiya 47 km ber bi Dêrazorê ve rizgar kirin.


Serokê Kurdistanê û şêniyên Zaxoyê eriş û asmana dagîrkeran hejandin.

Serokê Kurdistanê birêz Mesûd Barzanî di çarçoveya serdanên xwe yên bo bajarên Kurdistanê, îro serdana bajarê Zaxoyê kir û li gel şêniyên vê bajarê civiya û peyvek pêşkêş kir.

Serok Barzanî di gotara xwe de diyar kir ku ez nehatime daku daxwaz ji we bikin dengê belê bo serxwebûna Kurdistanê bidin jiber ku ne hewceye kes were ji wer re tişteke wisa bibêje û hun bo xwe baş dizanin ku çê bikin û çê nekin.

Serok barzanî di berdewamiya gotara xwe de diyar kir ku niha rojeva herî gerim rojeva refernadumê ye û gelê Kurdistanê di roja 25ê Îlonê vê biçe ser sendoqan û biryara xwe bide.

Serok Barzanî herwiha diyar kir ku biryara referandumê nebiryara part anjî aliyeke siyasî bi tenêye belku biryara gelê Kurdistanê ye, jiber ku li Îraqê destûr hatiye binpêkirin, şeraket, hevparî û hevsengî nemaye.

Serokê Kurdistanê herwiha diyar kir ku niha li Îraqê de tiştek bi navê destûr, hevparî, şeraket û hevsengî nemaye û hikûmeteke taêfî ya etnîkî bi rêcikên zorîne û kemîne ( piraniya siyasî) biryaran der dike û parlementoya Îraqê jî her bi heman awayî tev digere û tiştek bi navê tewafoq û şeraketê nemaye.

Serok Barzanî di beşeke din ji axaftinên xwe de diyar kir ku ew bi dehan sale ku em li ser zagona taybet bi hêzên pêşmerge ku beşeke ji pergala ewlekarî ya Îraqê, nehatiye pejrandin û qebûlkirin lêbelê bi du seatan zagona hêzên heşda şebî amade kirin û birin parlemen û qebûl kirin.

Serok Barzanî anî ziman ku niha li Îraqê hinek alî û derdor bi her awayî dijatiya gelê Kurdistanê û destkeftên Kurdistanê ne û dixwazin wan destkeftan ji nav bibin.

Serok Barzanî di berdewamiya axaftinên xwe de behsa hevdîtina xwe ya li gel şanda hevpeymanan kir û got: Beriya ku ez werim Zaxo li gel şandeke pile bilind civiyan û ew nêrîna xwe diyar kirin û me jî nêrîna xwe diyar kir û ew ne li djiî referandumê ne belku dibêjin dem ne goncawe, niha civata ewlekarî ya NY jî li ser xetê ye û me dimêzinên ku alternatîfa wan çiye, eger tenê paş xistin be vê demê emê biryara xwe didin û serxwebûna Kurdistanê diyar dikin.

Serok Barzanî got: Referandum amraze û ne armance, armanca mezin ya gelê Kurdistanê serxwebûna Kurdistanê ye.

Derbarê gotinên rayedarên Îraqê de jî Serok Barzanî got: Ew kesên ku niha destûr hatiye bîra wan û dibêjin referandum ne destûriye, lazime ew jî bixin bîra xwe ku ew bo xwe destûr binpê kirine.

Serok Barzanî herwiha diyar kir ku ew kes û aliyên ku me digot li Bexdayê hevpeymanên mene li hember gelê Kurdistanê bêwefayî dikin û gelê Kurdistanê di sala 2003an de bi dilxwazî vegeriya Îraqê û dixwest bi hevparî û hevbeşî, di çarçoveya demokrasî û fedralî de Îraqeke nû awa bike lêbelê ew hewlên han jî ti encameke wan nebû, lewre gelê Kurdistanê careke din naxwaze ew ezmûnên şkkestxwarî dubare bike.

Serok Barzanî di berdewamiya axaftinên xwe de got: Me di sala 2003an de şaştî kir ku çûne Bexda, lê dema çûyî çûye û venagere lazime em hizir li ser pêşeroja xwe bikin û baştirîn hizir jî bo pêşeroja Kurdistanê ewe ku li gel Îraqê bibin du cîranên baş.


Serok Barzanî û nunerên welatên endamên hevpeymaniya cîhanî civiyan.

Îro Serokê Kurdistanê birêz Mesûd Barzanî pêşwaziya şandeke pile binlind ya welatên hevpeyman kir ku ji her yek ji nunerê Serokê Amerîkayê bo şerê dijî terorê, nunerê taybetî yê Sekreterê NYê yê li Îraqê, balyozê Amerîkayê yê li Îraqê, balyozê Berîtanyayê yê li Îraqê û şandeke din pêk hatibû.

Di civîna han de yaku li navenda organîze kirina operasiyonên dijî DIŞIê yaku di destpêka şerê dijî DIŞIê de bi tenê 5km ji terorîstan dûr bû hate lidarxistin, nunerê welatên hevpeyman behsa çend mijar û babetan kir bi taybetî referanduma serxwebûna Kurdistanê yaku biryare di roja 25ê Îlonê de were lidarxistin.

Şanda han rêzdariya xwe bo gelê Kurdistanê diyar kir û rola hêzên pêşmerge di şerê dijî terorîstên DIŞIê û ji nav birina terorîstan de bi roleke girîng wesif kir û silavên wan bo şehîdên pêşmerge jî hebû.

Di civînê de şanda mêwan alternatîfek di şûna lidar xistina referanduma 25ê Îlonê pêşkêşî Serok Barzanî kir û Serok Barzanî jî ew alternatîfa han wergirt û piştgîriya xwe jî bo diyalogên baş diyar kir.

Derbarê referandum û alternatîfa ku hatiye pêşkêş kirin jî Serok Barzanî diyar kir ku ew ne biryara min ya bi tenê ye û em li gel Serkirdatiya siyasiya Kurdistanê giftûgo dikin û di demeke nêz de helwesta xwe di vê derbarê de diyar dikin.


Serokwezîrê Kurdistanê li gel balyozê Berîtanyayê yê li Îraqê civiya.

Serokwezîrê Kurdistanê Nêçîrvan Barzanî pêşwaziya balyozê Berîtanyayê yê li Îraqê Frank Becker û şandeke pê re kir.

Di hevdîtinkê de behsa rewşa niha ya Kurdistanê û berhevbûnên ji bo civîna parlemantoyê û pirsa refrandumê hate kirin.

Di beşeke din ya civînê de Barzanî û Becker behsa dawîn pêşhatên şerê dijî terorîstan li Îraq û deverê, qunaxa piştî DIŞIê, rewşa deverên rizgar kirî û vegeryana penaber û koçberan ji bo ser cihên xwe kirin.

Di dawiya civînê de her du alî behsa têkiliyên navbera Herêma Kurdistanê û Bexdayê kirin û pêdagirî li ser pêwîstiya berdewam bûna diyalogê ji bo çareser kirina hemû pirsgirêkan kirin.


Nêçîrvan Barzanî û Breet McGurk li Hewlêrê civiyan û behsa çend mijaran kir.

Serokwezîrê Kurdistanê Nêçîrvan Barzanî pêşwaziya nunerê taybetî yê Serokê Amerîkayê yê bo şerê dijî terorîstên DIŞIê Breet McGurk kir.

Di civînê de her du aliyan behsa dawîn pêşhatên şerê dijî terorê li Îraq û Sûriye kirin û bal kişandine ser qunaxa piştî ji nav birina DIŞIê û rewşa deverên rizgar kirî, bi taybetî vegeryana penaber û koçberan ji bo ser cihên xwe li Mûsil û derdora wê.

Di beşeke din ya vê civîna han de Nêçîrvan Barzanî û Breet McGurk behsa rewşa niha ya Herêma Kurdistanê û berhevî ji bo civîna parlemantoyê û pirsa refrandumê kirin û hizrên xwe derbarê van pirsan xistine berçav.


Serokatiya Kurdistanê dibêje biryara parlementoya Îraqê ti nirx û buhayeke xwe tinye.

Serokatiya Kurdistanê derbarê biryara parlementoya Îraqê de ya derbarê li ser kar ladana parêzgarê Kerkûkê DR. Nicmedîn Kerîm de daxuyaniyek weşand û ew biryara han bi tundî red kir.

Di daxuyaniya Serokatiya Kurdistanê de hatiye nivîsandin ku bi vê pêngava han parlementoya Îraqê ew yek îsbat kir ku li îraqê şeraket, hevparî, destûr û bingehên lihev kirinê nemane û ew yek jî îsbat kir ku kar bi rêçikên kemîne û zorîne ( hijmara kem û hijmara zêde) dike.

Di berdewamiya daxuyaniya han de hatiye diyar kirin ku gelê Kurdistanê bi giştî û şêniyên parêzgeha Kerkûkê bi taybetî bi ti awayî ew biryara han bi cidî nagirin û pêbendê vê jî nabin jiber ku Dr. Nicmedîn Kerîm ji aliyê parlementoya Îraqê ve nehatiye hilbijartin daku ji aliyê parlementoya Îraqê ve ji ser ker û postê xwe were dûrxistin, civata parêzgeha Kerkûkê û şêniyên Kerkûkê nav hatî hilbijartine lewre tendê xelkê Kerkûkê di vê mijarê de xwedan biryare.


Êrişa xwekujî li dijî xala kontrola ewlehî ya li başûrê Iraqê pêk hat. Hate ragihandin ku di encamê de herî kêm 50 kes mirine, 80 kes jî birîndar bûne.

Polîs û xebatkarên tenduristî yên Iraqê diyar kirin ku di êrişa bombeyi û çekan li dijî nokteya kontrola polîsan û restoraneke ya li bajarê Nasiriyeyê de herî kêm 50 kes mirine, 80 kes jî birîndar bûne.

Çavkaniyên polîsan eşkere kirin ku xwekujek ketiye hûndirê restoranê û bombeya li ser xwe teqandiye, 3-4 êrişkarên din jî gule bi ser kesên li derdor ve reşandine. Piştre jî li dijî kontrola polîsan êriş pêk hatiye.

Li gorî ragihandina çavkaniyên nexweşxaneyê di nav kesên mirî de welatiyên Îranê jî hene.

Hate diyarkirin ku rewşa hin birîndaran gelek xirab in ji ber ve yeke dibe hejmara miriyan zêdetir bibe.


Wezîrê Derve yê Iraqê di daxuyaniyekê de red kir ku ti rûbirûneke leşkerî di navbera hêzên Iraqî û Pêşmerge rû bide, rûbirûbûna leşkerî di nabera hikûmeta Iraqê û Herêma Kurdistanê bi “Hêla sor” binav kir.

Wezîrê Derve yê Iraqê Îbrahîm Caferî, di daxuyaniya xwe de behsa wan bijardeyan nekir, ku piştî birêvebirina referandûma serxwebûna Kurdistanê, Bexda digre ber.

Birêvebirina referandûmê di 25ê Îlonê de, hikûmet û aliyên Iraqî dilgiran kirine û daxwaza paşxistina referandûmê û gotûbêja zêdetir ligel Herêma Kurdistanê dikin.

Lê Herêma Kurdistanê red kir, bêyî ti gerentiyeke navdewletî wê proseyê bipaş bixe û tekez dike ku referandûm di dema xwe ya diyarakirî de bi rê ve diçe.

Serok Barzanî: Vê gelê Kuridstanê di 25ê Îlonê de biryara xwe bide
14.09.2017 | 16:56
Serokê Kurdistanê û şêniyên Zaxoyê eriş û asmana dagîrkeran hejandin.
Serok Barzanî li gel şandeke hevpeymaniya cîhanî civiya
14.09.2017 | 16:55
Serok Barzanî û nunerên welatên endamên hevpeymaniya cîhanî civiyan.
Li dijî xala kontrole êrişa xwekujî: 50 mirî 80 jî birîndar
Êrişa xwekujî li dijî xala kontrola ewlehî ya li başûrê Iraqê pêk hat.
Di 48 saetan de QSD’ê gihîşt Dêrazorê
QSD’ê di çarçoveya hemleya “Bagera Cizîrê” de pêşveçûneke ber biçav
Previous
Piştî 288 rojan bi selametî vegeriya dinyayê
03.09.2017 | 16:46
Astronota Amerîkî Dr. Peggy Whitson a 57 salî, piştî 288 rojên li fezayê
Balafira herî mezin ya cîhanê derket ber çavan
04.06.2017 | 16:21
Di dinyayê de balafira herî mezin ya bi navê Stratolaunch bo
Mako ji bo ku bizewice dev ji şahzadeyiya xwe berda
18.05.2017 | 16:46
Neviya împratorê Japonya Akihito ya 25 salî Mako, ji bo ku bi
Hawking: 100 sal temenê mirovatiyê maye
08.05.2017 | 16:14
Li gor fîzîkzanê Ingilîz Stephen Hawkîng, tenê 100 sal temenê
Next
Polîs li Moskovayê gelek ciyan vala kir
14.09.2017 | 16:58
Li Moskovayê rêvebirî û asayiş ketiye nava tevgerê.
5mîn festîvala navnetewî ya Dihukê destpê dike
31.08.2017 | 16:03
Biryare di 9ê Îlonê de festîvala navnetewî ya fîlman ya Dihukê destpê bike.
Li Serdeştê festîvala tiriyên reş dest pê kir
13.09.2017 | 16:41
Li bajarê Serdeştê yê Rojhilatê Kurdistanê, festîvala tiriyên reş dest pê kir.
Tîma Helebceyê bû yekemê Îraqê
12.09.2017 | 17:16
Tîma beskitbola Helebceyê ya keçan bû yekema Îraqê.
0ºC
As Sulaymaniyah
0ºC
Dahuk
0ºC

BA PARASTINI KURDISTAN BIBETE FERHENGI HEMUMAN

BA PARASTINI KURDISTAN BIBETE FERHENGI HEMUMAN
Copyright © All Right Reserved Kurdistan Tv